Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 52 Hüküm no: 9 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rizo v. İstati’nin mülk bağını Zaharya v. Petro’ya sattığı Vilâyet-i Rumeli’nde Yacağaç kazâsına tâbi‘ Yanice nâm karye sâkinlerinden Rizo v. İstati nâm zimmî meclis-i şer‘-i şerîf-i lâzımü’t-tevkīrde işbu râfi‘ü’l-vesîka Zaharya v. Petro nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip emlâkimden olup karye-i mezbûrede vâki‘ bir tarafdan Rizo bağı ve bir tarafdan Dimo tarlası ve iki tarafdan müşterî-i merkūm Zaharya çayırı ile mahdûd ve mümtâz tahmînen on çapalık bir kıt‘a mülk bağımı mersûm Zaharya’ya dört bin cedîd akçeye bey‘-i kat‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan meblağ-ı mezbûru mersûm Zaharya yedinden tamâmen ahz ü kabz eylediğimden sonra mebî‘-i mahdûdu mahallinde zabt ve tasarrufa mersûm Zaharya’yı tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Recebi’l-ferd li sene hamsin ve sittîn ve elf. Şuhûdü’l-hâl: Ali b. Mustafa, Abdullah Beşe b. İskender, Hüseyin Çelebi b. Ali, Dilâver Beşe b. Abdullah ve gayruhüm mine’l-hâzırîn Kiryazi, Danyal, Yani, Dimo, Dimo, Nikola, Rizo, Dimo, Yorgo, Yani, Dimo, Yani, Kosta, Dimo ve gayr