Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 54 Hüküm no: 11 Orijinal metin no: [3a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgaki v. İstemad’ın Yani’ye otuz zeytin ağacını sattığı Vilâyet-i Rumeli’nde livâ-i Mezistre’de yine Mezistre kazâsına tâbi‘ Ketürse? nâm karyede sâkin Yorgaki v. İstemad nâm zimmî meclis-i şer‘-i şerîf-i lâzımü’t-tevkīrde işbu bâ‘isü’l-vesîka Yani v. Panipero nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip emlâkimden olup karye-i mezbûrede vâki‘ her birinin mevzi‘i beynimizde ma‘lûm otuz dip zeytin eşcârımı merkūm Yani’ye bin cedîd akçeye bey‘-i bâtt-ı kat‘î ile bey‘ edip ol dahi vech-i muharrer üzre iştirâ ve kabûl eyleyip semeni olan meblağ-ı mezbûru mersûm Yani yedinden tamâmen ahz ü kabz eylediğimden sonra zikr olunan eşcârı mahallinde zabt ve tasarrufa tarafımdan merkūm Yani’yi taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fi’l-yevmi’s-sâbi‘ ve’l-ışrîn min şehri Recebi’l-ferd li sene hamsin ve sittîn ve elf. Şuhûdü’l-hâl: Ali Beşe b. Mustafa, Abdullah Beşe b. İskender, Dilâver b. Abdullah, Hüseyin b. Ali ve gayruhüm mine’l-hâzırîn İstemad, Dimo, Kostantin, Yorgi, Yorgi, Kostantin, Kostantin, Yorgi ve gayr