Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 66 Hüküm no: 29 Orijinal metin no: [6b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasiliki bt. Yani’nin mülk menzili ile bahçesini İlya v. Polharoni’ye sattığı Vilâyet-i Rumeli’nde Mezistre kazâsına tâbi‘ Komosta? nâm karye sâkinelerinden Vasiliki bt. Yani nâm nasrâniyenin zevci ve tarafından bey‘-i âti’z-zikri ikrâra vekîl olup İlya v. Sinadino ve Luzi v. Yorgo nâm zimmîler şehâdetleriyle şer‘an vekâleti sâbite [olan ] Diyani v. Zafiri nâm nasrânî meclis-i şerî’at-i şerîfede işbu râfi‘ü’l-vesîka İlya v. Polharoni nâm zimmî muvâcehesinde bi’l-vekâle ikrâr ve i‘tirâf edip zevcem müvekkile-i mezbûre emlâkinden karye-i merkūmede vâki‘ bir tarafdan Yani Sideri mülkü ve bir tarafdan İlya Ağosi mülkü ve bir tarafdan Cano Petro mülkü ve bir tarafdan tarîk-i âm ile mahdûd bir bâb fevkānî odayı ve havluyu müştemil mülk menzilini cümle tevâbi‘iyle ve yine karye-i merkūmede vâki‘ etrâf-ı erba‘adan Dimitri ve Cano Risto ve Dimitri Kılu nâm zimmîler mülkleri ve tarîk-i âm ile mahdûd ve mümtâz zât-ı eşcâr-ı müsmire ve gayr-ı müsmireyi müştemil bir kıt‘a mülk bahçesini dahi merkūm İlya’ya iki bin cedîd akçeye bey‘-i bâtt-ı kat‘î ile bey‘ edip ol dahi vech-i muharrer üzre iştirâ ve kabûl eyledikden sonra semeni olan meblağ-ı mezbûru mersûm İlya yedinden tamâmen ahz u kabz eyleyip mebî‘ayn-i mezkûreyni mahallinde zabt ve tasarrufa merkūm İlya’yı taslît eyledim dedi dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’l-yevmi’s-sâmin min Şa‘bâni’l-mu‘azzam li sene hamsin ve sittîn ve elf. Şuhûdü’l-hâl: Hüseyin b. Ali, Mustafa Beşe b. Abdullah, Abdullah b. İskender, Dilâver b. Abdullah ve gayruhüm mine’l-hâzırîn Nikola, Dimitri, İlya, Yorgo, Panayot, İstati, Niko, ..? ve gayr