Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 72 Hüküm no: 37 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panayot v. Yorgi’nin tasarrufundaki iki tarlanın tasarruf hakkını İstati v. Todori’ye devrettiği Vilâyet-i Rumeli’nde livâ-i Mora’da Kalavrite kazâsına tâbi‘ İstrezeva nâm karyede sâkin Panayot v. Yorgi nâm zimmî meclis-i şer‘-i şerîf-i lâzımü’t-tevkīrde işbu râfi‘ü’l-vesîka İstati v. Todori nâm zimmî muvâcehesinde tav‘an ikrâr ve i‘tirâf edip karye-i merkūme hudûdu dâhilinde vâki‘ bir tarafdan İstati tarlası ve bir tarafdan Katora tarlası ve bir tarafdan Yorgo Franci tarlası ve bir tarafdan tarîk-i âm ile mahdûd ve mümtâz iki kıt‘a tarlalarımın hakk-ı tasarruflarını sâhib-i arz ma‘rifetiyle merkūm İstati’ye beş yüz cedîd akçe bedel mukābelesinde tefvîz ve ferağ eylediğimde ol dahi minvâl-i muharrer üzre tefevvuz ve kabûl eyleyip hakk-ı ferağ olan meblağ-ı mezbûru mersûm İstati yedinden tamâmen ahz ü kabz eylediğimden sonra zikr olunan tarlaları mahallinde zabt ve tasarrufa tarafımdan merkūm İstati’yi taslît eyledim dedikde gıbbe’t-tasdîki’ş-şer‘iyyi’l-vicâhî mâ vaka‘a bi’l-ibtigā ketb olundu. Fi’l-yevmi’l-âşir min Şa‘bâni’l-mu‘azzam li sene hamsin ve sittîn ve elf. Şuhûdü’l-hâl: Ali b. Mustafa, Dilâve[r] b. Abdullah, Hüseyin b. Ali, Abdullah b. İskender ve gayruhüm mine’l-hâzırîn Yorgi, Kosta, Panayot, Todori, Partan, Dimo, Karoni, Andriye, Kanlo Yorgi, Kanlo Yani ve gayr