Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 73 Hüküm no: 38 Orijinal metin no: [7b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gâib olan İbrahim’in çocukları Ali ile Âişe’ye ninelerinin talebi ile nafaka tayin edilmesi Hâkim-i muvakkı‘-ı a‘le’l-kitâb bi tevkī‘ihi’ş-şerîfi’l-müstetâb -tûbâ lehû ve hüsnü me’âb- İbrahim’in çocukları Ali ve Âişe nâm sagīreynin nafakaları ve sâir havâic-i zarûriyyeleri için medîne-i Hazret-i Ebâ Eyyûb el-Ensârî mahallâtından ( ) mahallesinde sâkine olan hacr ve terbiyesi altında oldukları nineleri ve dadıları olan Fâtıma bt. ( ) talebi ile babaları gāib-i mezbûr İbrahim üzerine zeyl-i kitâb târihinden mürûr edip geçen her bir gün için râyic fi’l-vakt altı akçe farz ve takdîr-i sahîhayn-i şer‘iyyeyn ile farz eyledikden sonra meblağ-ı mefrûzu havâiclerine sarfa ve vakt-i zarûretde istidâneye ve lede’z-zafer rücû‘a izn-i sarîh-i mer‘î ile izin vermeğin [kayd olundu]. Cerâ zâlike ve hurrire fi’l-yevmi’l-hâmis aşer min Şa‘bâni’l-mu‘azzam li sene hamsin ve sittîn ve elf. Şuhûdü’l-hâl: Ali Beşe b. Mustafa, Abdullah Beşe b. İskender, Dilâver Beşe b. Abdullah, Hüseyin b. Ali ve gayruhüm mine’l-hâzırîn