Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 79 Hüküm no: 47 Orijinal metin no: [9a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Ağa b. Mehmed’in Salih Ağa ile Ali Ağa’daki alacağını kefil olan Yusuf Efendi’den tahsil ettiği Mahrûse-i İstanbul’da ( ) mahalle[si] sükkânından olup Dergâh-ı âlî -dâme mahfûfen bi’l-me‘âlî- yeniçerileri çorbacılarından olan fahrü’l-eşbâh Ahmed Ağa b. Mehmed nâm kimesne meclis-i şer‘-i şerîf-i lâzımü’t-tevkīrde işbu râfi‘ü’l-kitâbi’l-müstetâb umdetü erbâbü’t-tahrîr ve’l-kalem zübdetü ashâbü’t-tastîr ve’r-rakam Yusuf Efendi b. Hüseyin mahzarında ikrâr-ı tâm ve ifâde-i merâm edip gāibeyni’l-meclis Salih Ağa ve Ali Ağa zimmetlerinde iki bin kıt‘a riyâlî guruş hakkım olup mûmâ-ileyh Yusuf Efendi meblağ-ı mezbûra kefîl olmuşidi hâlen meblağ-ı merkūmü’l-vasf iki bin guruş hakkımı kefâleti hasebiyle mûmâ-ileyh Yusuf Efendi yedinden bi’t-tamâm ve’l-kemâl ahz ü kabz eyledim, ba‘de’l-yevm mûmâ-ileyh Yusuf Efendi zimmetinde ve asîlân-ı mezbûrân Salih Ağa ve Ali Ağa zimmetlerinde bir akçe ve bir habbe hakkım kalmadı dedikde mukırr-ı mezbûrun minvâl-i meşrûh üzre cârî ve sâdır olan ikrârını mûmâ-ileyh Yusuf Efendi vicâhen ve şifâhen tasdîk ve tahkīk etmeğin mâ vaka‘a bi’l-ibtigā ketb olundu. Fi’l-yevmi’l-hâmis aşer min Şa‘bâni’l-mu‘azzam min şuhûri sene hamsin ve sittîn ve elf. Şuhûdü’l-hâl: Hüseyin Çelebi b. İsa, Ali Beşe b. Kurd, Mehmed Efendi b. Habil, Bayram Halîfe b. Ebîbekir el-Müezzin, Hasan Beşe b. Hüseyin, Abdullah Efendi b. Mehmed el-Mukayyid, Mustafa Beşe b. Abdullah çukadâr ve gayruhüm mine’l-hâzırîn