Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 261 Hüküm no: 281 Orijinal metin no: [35b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâime bt. el-Hâc Ali’nin Abdi b. Hüseyin’den muhâlaa yoluyla boşandığı Mahmiye-i İstanbul’da Hoca Hayreddin mahallesinde sâkine Sâime bt. el-Hâc Ali nâm hâtun meclis-i şer‘-i şerîf-i lâzımü’t-teşrîfde zevci bâ‘isü’l-kitâb Abdi b. Hüseyin nâm kimesne mahzarında ikrâr ve takrîr-i kelâm edip zevcim mezbûr Abdi zimmetinde mütekarrir ve ma‘kūdun-aleyh olan beş bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olup mezbûrun firâşından hâsıl olan Âişe nâm sagīreyi hakk-ı hidâne sâkıt olunca kendi malımdan infâk edip ve mezbûr Abdi’ye bedel-i hul‘ olmak üzre bin beş yüz nakid râyic fi’l-vakt akçe verip mezbûr Abdi ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûru kabûl eylediğinden sonra her birimiz zevciyyete müte‘allika da‘vâdan âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min Cumâdelâhire li sene seb‘a ve seb‘în ve elf. Şuhûdü’l-hâl: Satılmış b. Aşık, Şaban Çelebi b. Ramazan, Süleyman Çelebi b. Ramazan, Mehmed Beşe b. Hasan, Mustafa b. Mehmed.