Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 81 Hüküm no: 50 Orijinal metin no: [9b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Yorgi’nin Hasan b. Süleyman’a mülk menzil ile iki bağ ve bir değirmendeki hisselerini sattığı, tasarrufundaki tarla hisselerini devrettiği Vilâyet-i Rumeli’nde livâ-i Mora’da Karitine kazâsına tâbi‘ Valteşinik nâm karyede sâkin Dimitri v. Yorgi nâm zimmî meclis-i şer‘-i şerîf-i enverde işbu râfi‘ü’l-vesîka Hasan b. Süleyman nâm kimesne mahzarında bi tav‘ihî ikrâr ve i‘tirâf edip kazâ-i mezbûr tevâbi‘inden Olense nâm karyede vâki‘ bir tarafdan Mehmed Beşe b. Abdullah mülkü ve bir tarafdan Papa Tero mülkü ve bir tarafdan Lazari mülkü ve bir tarafdan tarîk-i âm ile mahdûd cevânib-i erba‘ası taş duvarlı mülk menzil yerinde olan nısf hissemi ve yine Akova nâm karyede vâki‘ hudûdu beynimizde ma‘lûm bir kıt‘a mülk menzil yeri ile iki kıt‘a mülk bağlarda olan nısf hissemi ve yine Mavradaz nâm karye kurbunda vâki‘ bir kıt‘a değirmende olan hisse-i şâyi‘amı dahi mezbûr Hasan’a bi safkatin vâhidetin yirmi kıt‘a riyâlî kebîr guruşa bey‘-i bâtt-ı kat‘î ile bey‘ edip ol dahi vech-i meşrûh üzre iştirâ ve kabûl eyledikden sonra yine zikr olunan Akova ve Olense? ve Cervık? nâm karyelerde vâki‘ inde’l-ahâlî ve’l-cîrân ma‘lûmü’l-hudûd ve’l-mikdâr tarlalarda nısf hisse-i şâyi‘amın hakk-ı tasarruflarını dahi ma‘rifet-i sâhib-i arz [ile] mezbûr Hasan’a elli kıt‘a riyâlî kebîr guruş bedel mukābelesinde tefvîz ve ferağ eylediğimde ol dahi vech-i muharrer üzre tefevvuz ve kabûl eyleyip semen-i mezbûr ile bedel-i merkūm cem‘an yetmiş guruşu mezbûr Hasan yedinden tamâmen ahz ü kabz eylediğimden sonra emlâk-i merkūme ile arâzi-i mersûmeyi mahallinde zabt ve tasarrufa mezbûr Hasan’ı tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fi’l-yevmi’l-ışrîn min Şa‘bâni’l-mu‘azzam min şuhûri sene hamsin ve sittîn ve elf. Şuhûdü’l-hâl: El-Hâc Resul b. Hasan, Mehmed Efendi b. Ali, Mustafa Beşe b. Toy?, Ali Beşe b. Derviş, Ali Beşe b. Yusuf, Mehmed b. İbrahim, Memi Beşe b. Mahmud, İbrahim b. Abdullah Usta, Hüseyin b. Zülfikar, Kasım b. Memi, Yahya b. Memi, Hızır b. Mustafa ve gayruhüm mine’l-hâzırîn Dimitri v. Yorgi, Rizo, Yani, Anastaş ve gayr