Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 84 Hüküm no: 54 Orijinal metin no: [10b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avyuri v. Mihal’in mülk menzilini Yani v. Verato’ya sattığı Vilâyet-i Rumeli’nde Çatalca kazâsına tâbi‘ Nihor nâm karye sâkinlerinden Avyuri v. Mihal nâm [zimmî] meclis-i şer‘-i şerîf-i lâzımü’t-tevkīrde işbu râfi‘ü’l-vesîka Yani v. Verato nâm zimmî muvâcehesinde bi tav‘ihî ikrâr ve i‘tirâf edip karye-i mezbûrede vâki‘ bir tarafdan Nikola v. Mihal ve bir tarafdan mezbûr Yani mülkü ve iki tarafdan tarîk-i âm ile mahdûd ve mümtâz bir kıt‘a bostanı ve havluyu müştemil mülk menzil yerimi merkūm Yani’ye iki bin cedîd akçe[ye] tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan mezbûru’n-na‘t iki bin akçeyi mersûm Yani yedinden tamâmen ahz ü kabz eylediğimden sonra mebî‘-i mezkûru mahallinde zabt ve tasarrufa mezbûr Yani’yi taslît eyledim dedikde gıbbe’t-tasdîki’ş-şer‘iyyi’l-vicâhî mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Şa‘bâni’l-mu‘azzam li sene hamsin ve sittîn ve elf. Şuhûdü’l-hâl: Ali b. Mustafa, Abdullah b. İskender, Hüseyin b. Ali, Dilâver b. Abdullah ve gayruhüm mine’l-hâzırîn Pavli, Yani, Miho, Dimo, Nikola, Tortoh, Mihal, Harkani, Yorgi, Kolota?, Miho, Yani, Andriye, Uyuri?, Dimo, Todori, Nikola, Mihal ve gayr