Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 86 Hüküm no: 57 Orijinal metin no: [10b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rizo v. Todori’nin mülk bağını Dimitri v. Yorgi’ye sattığı Vilâyet-i Rumeli’nde Kerpiniş kazâsına tâbi‘ Pavlop[ulo] nâm karyede sâkin Rizo v. Todori nâm nasrânî meclis-i şer‘-i şerîf-i lâzımü’t-tevkīrde işbu râfi‘ü’l-vesîka Dimitri v. Yorgi nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip emlâkimden olup karye-i mezbûrede vâki‘ etrâf-ı erba‘adan mezbûr Dimitri ve Franko ve Todori nâm zimmîler bağları ve tarîk-i âm ile mahdûd ve mümtâz tahmînen otuz çapalık bir kıt‘a mülk bağımı mersûm Dimitri’ye üç bin dört yüz elli cedîd akçeye bey‘-i bâtt-ı kat‘î ile bey‘ edip ol dahi vech-i muharrer üzre iştirâ ve kabûl eyleyip semeni olan mezbûru’n-na‘t üç bin dört yüz elli akçeyi mezbûr Dimitri yedinden tamâmen alıp kabz eylediğimden sonra mebî‘-i mahdûd-ı mezkûru mahallinde zabt ve tasarrufa merkūm Dimitri’yi tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fi’l-yevmi’r-râbi‘ ve’l-ışrîn min Şa‘bâni’l-mükerrem li sene hamsin ve sittîn ve elf. Şuhûdü’l-hâl: Mustafa Beşe b. Abdullah çukadâr, Hüseyin b. Ali, Dilâver b. Abdullah, Abdi b. İskender ve gayruhüm mine’l-hâzırîn Yani, Rizo, Yorgi, Dimitri, Yani, Şero, Yorgi, Todori, Nikola, Yorgi, Panayot, Yorgi, Yani, Dimo, Yorgi, Franko, Anastaş, Yani ve gayr