Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 126 Hüküm no: 143 Orijinal metin no: [34a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maltepe ve tevabii mukataasının Ahmed Ağa’ya iltizam olunduğu Vech-i tahrîr-i hurûf budur ki Haremeyn-i Şerîfeyn evkāfından bâ-berat-ı şerîf-i âlîşân mutasarrıf olduğum Maldepe ve tevâbi‘i mukāta‘ası işbu bin yüz seksen iki senesi Martı ibtidâsından Şubat’ı gāyetine gelince zabt u rabt eylemek şartıyla dârende-i temessük izzetlü es-Seyyid Ahmed Ağa’ya sene-i sâbıkı üzere der-uhde ve iltizâm ol dahi iltizâmını kabûl ve öteden beri mukāta‘a-i mezbûre ne vechile zabt u rabt olunagelmiş ise ağa-yı mûmâ-ileyh dahi ol veçhile zabt u rabt eylemesi içün işbu temessük ketb ü tahrîr olundu gerekdir ki mukāta‘a-i mezbûrenin â‘şâr-ı şer‘iye ve rüsûm-ı örfiye ve tapu-yı zemîn her ne ise min-külli’l-vücûh ahz ve zabt edüp tarafımızdan ve taraf-ı âhardan ferd-i vâhid müdâhale ve ta‘arruz eylemeyeler. Tahrîren fi’t-târîhi’l-mezbûr El-fakīr Ali Arif mukāta‘a-i mezbûr.