Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 93 Hüküm no: 68 Orijinal metin no: [12b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Leka v. Koçi’nin mülk menzilini Teboş v. Karaf’a sattığı Vilâyet-i Rumeli’nde Ergirikasrı kazâsına tâbi‘ Arnavud viranizi demekle ma‘rûf karye sâkinlerinden Leka v. Koçi nâm nasrânî meclis-i şer‘-i şerîfü’t-tevkīrde işbu râfi‘ü’l-vesîka Teboş v. Karaf nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip silk-i mülk-i sahîhimde münselik olup karye-i mezbûrede vâki‘ bir tarafdan Giro v. Dedo mülkü ve iki tarafdan yine benim mülküm ve bir tarafdan tarîk-i âm ile mahdûd bir bâb fevkānî ve bir bâb tahtânî odaları ve anbarı ve bir kıt‘a bağı ve bir mikdâr arsa-i hâliyeyi müştemil mülk menzilimi cemî‘ tevâbi‘iyle merkūm Teboş’a dokuz bin cedîd akçeye bey‘-i bâtt-ı kat‘î ile bey‘ edip ol dahi vech-i mübeyyen üzre iştirâ ve kabûl eyleyip semeni olan mezbûru’n-na‘t dokuz bin akçeyi mersûm Teboş yedinden tamâmen alıp kabz eylediğimden sonra mebî‘-i mahdûd-ı mezkûru mahallinde zabt ve tasarrufa mezbûr Teboş’u [13a] tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fi’l-yevmi’t-tâsi‘ min şehri Ramazâni’l-mübârek li sene hamsin ve sittîn ve elf. Şuhûdü’l-hâl: Ali b. Mustafa, Abdullah b. İskender, Dilâver b. Abdullah, Hüseyin b. Ali Kiro, Dimo, Yani, Köni, Kiro, Könö, Dimo, Kiti, Yani, Pano, Staso, Kiroş, Koçi, Köni, Dimo, Dimo, Zeto?