Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 104 Hüküm no: 85 Orijinal metin no: [16b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şamor v. Dimo’nun mülk bostanını Nikola v. Dimo’ya sattığı Vilâyet-i Rumeli’nde Kerpiniş kazâsına tâbi‘ Kalazmeni nâm karye sâkinlerinden Şamor v. Dimo nâm zimmî meclis-i şer‘-i şerîf-i lâzımü’t-tevkīrde işbu râfi‘ü’l-vesîka Nikola v. Dimo nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip emlâkimden olup karye-i merkūmede vâki‘ bir tarafdan Esteryanoz mülkü ve etrâf-ı selâseden tarîk-i âm ile mahdûd üç dip dut eşcârını müştemil bir kıt‘a mülk bostanımı merkūm Nikola’ya bin cedîd akçeye bey‘-i bâtt-ı kat‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan meblağ-ı mezbûru mersûm Nikola yedinden tamâmen ahz ü kabz eylediğimden sonra mebî‘-i mahdûd-ı mezkûru mahallinde zabt ve tasarruf[a] merkūm Nikola’yı tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene hamsin ve sittîn ve elf. Şuhûdü’l-hâl: Hüseyin Çelebi b. Ali, Abdullah Beşe b. İskender, Dilâver b. Abdullah, Bayram b. Mehmed, Rizo, Yorgi, Franko, Esteryanoz, Yani, Harito?, Yorgi, Yani, Andriye, Dimo