Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 105 Hüküm no: 86 Orijinal metin no: [16b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Paroş v. Yani’nin mülk değirmeni ile söğüt ağaçlarını Armağan’a sattığı Vilâyet-i Rumeli’nde Yenişehir kazâsı ihtivâsından Fenar nâhiyesine tâbi‘ Beretli nâm karyede sâkin Paroş v. Yani nâm zimmî meclis-i şer‘-i şerîf-i lâzımü’t-tevkīrde işbu râfi‘ü’l-vesîka Armağan v. Nanbu nâm zimmî muvâcehesinde bi’t-tav‘ ve’r-rızâ ikrâr ve i‘tirâf edip emlâkimden olup karye-i mezbûre kurbunda vâki‘ Kızılcık Suyu demekle ma‘rûf nehir [ile] dâir bir kıt‘a mülk değirmenimi ve yine [karye-i] merkūme kurbunda mevâzi‘-i müteferrikada vâki‘ on dip söğüt eşcârımı dahi merkūm Armağan’a bin yüz cedîd akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan meblağ-ı mezbûru mersûm Armağan yedinden tamâmen ahz ü kabz eylediğimden sonra zikr olunan değirmen ile söğüt eşcârını mahallinde zabt ve tasarrufa merkūm Armağan’ı tarafımdan taslît eyledim dedikde, gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene hamsin sittîn ve elf. Şuhûdü’l-hâl: Mustafa b. Abdullah, Hüseyin b. Ali, Abdullah b. İskender, Dilâver b. Abdullah, Dimo, Lanbo, Panayot, Kaladşilo?, Kosta, Karakaş, Lanbo, Diyako