Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 117 Hüküm no: 103 Orijinal metin no: [20a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yusuf b. Ahmed’in ortak kerestecilik yaptığı Şahin v. Ergiri’deki sermaye payının beytülmâlce tahsil ettiği Medîne-i Hazret-i Ebâ Eyyûb el-Ensârî’de Davud Ağa mahallesi sâkinlerinden iken bundan akdem vefât eden Yusuf b. Ahmed nâm kimesnenin zâhirde vârisi olmamağla muhallefâtının rub‘u zevcesi gāibe ani’l-meclis Siyavuş bt. Abdullah nâm hâtuna ve selâse erbâ‘ı beytülmâle intikāl etmeğin medîne-i mezbûrede emîn-i beytülmâl olan Ahmed Çelebi b. Mehmed nâm kimesne meclis-i şer‘de işbu râfi‘ü’l-vesîka Şâhin v. Ergiri nâm zimmî muvâcehesinde müteveffâ-yı mezbûr Yusuf’un kerestecilik san‘atından şerîki olan mezbûr Şâhin muvâcehesinde bi’l-asâle ikrâr eder ki mezbûr Şâhin müteveffâ-yı mezbûr ile san‘at-ı mezbûrede şerîkler olmağla mersûm Şâhin yedinde müteveffâ-yı mezbûrun ba‘de küllî hesâb cihet-i sermâyeden dört bin akçe hakkı zuhûr etmişidi, hâlen şerîk-i merkūm Şâhin yedinden meblağ-ı mezbûr dört bin akçeyi bi’t-tamâm ahz ü kabz eyledim dedikde gıbbe’t-tasdîki’ş-şer‘î mâ vaka‘a kayd şüd. Hurrire fî 6 min Şevvâl sene 1065. Şuhûdü’l-hâl: Rıdvan Kethüdâ b. Abdullah, el-Hâc Mehmed b. Mehmed, Mehmed Efendi b. Habil, Abdullah b. İskender ve gayruhüm mine’l-hâzırîn