Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 130 Hüküm no: 122 Orijinal metin no: [23b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anne babası boşanan Rabia bt. Yusuf adlı sagîre için babası üzerine nafaka tayin edilmesi Bu bir hüccet-i sahîha-i şer‘iyye ve vesîka-i sarîha-i mer‘iyyedir ki onda olanın zikri ile mazmûnu bilinir. Hâkim-i muvakkı‘-ı a‘lâ hâze’l-kitâb bi tevkī‘ihi’ş-şerîfi’l-müstetâb -tûbâ lehû ve hüsnü me’âb- Râbia bt. Yusuf nâm sagīrenin nafakası ve kisvesi ve sâir havâic-i zarûriyyesi için Medîne-i Hazret-i Ebâ Eyyûb el-Ensârî -razıye anhü rabbühü’l-melikü’l-Bârî- mahallâtından Evlice Baba mahallesinde sâkine olan hacr ve terbiyesi altında bulunduğu annesi ve dadısı olup mezbûr babasından boşanmış olan Havva Hâtun bt. Ali nâm hâtunun talebi ile mezbûr babası üzerine zeyl-i kitâb târihi gurresinden mürûr edip geçen her bir gün için râyic fi’l-vakt fıddî üç akçe farz ve takdîr-i sahîhayn-i şer‘iyyeyn ile farz ve takdîr ettikden sonra meblağ-ı mefrûz-ı mezbûru sagīre-i merkūmenin levâzım-ı zarûriyyesine sarf etmeye ve vakt-i zarûretde istidâneye ve lede’z-zafer rücû‘a izn-i sarîh-i mer‘î ile izin vermeğin cerâ zâlike ve hurrire fi’l-yevmi’s-sâbi‘ aşer min Şevvâli’l-mükerrem min şuhûri sene hamsin ve sittîn ve elf. Şuhûdü’l-hâl: Ali Beşe b. Mustafa, Hüseyin Beşe b. Ali, Bayram Sofu b. Mehmed, Abdi b. İskender, Mehmed Efendi b. Abdullah