Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 133 Hüküm no: 126 Orijinal metin no: [24b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Lavrendi v. Noka’nın Apostol v. Gini’ye borcu olduğu Vilâyet-i Rumeli’nde İstefe kasabası sâkinlerinden orta boylu kara gözlü çatık kaşlı kaba sakallı sâbıkan kasaba-i mezbûrede metrepolid olan Lavrendi v. Noka nâm râhib meclis-i şer‘-i şerîf-i lâzımü’t-tevkīrde mahrûse-i İstanbul’da kürkçü tâ’ifesinden olup Mahmud Paşa Hânı’nda sâkin râfi‘ü hâze’s-sifri’ş-şer‘î Apostol v. Gini nâm nasrânî muvâcehesinde ikrâr-ı tâm ve takrîr-i kelâm edip târih-i kitâbdan yedi sene mukaddem kasaba-i merkūme metrepolidi olduğumda mersûm Apostol’dan beş yüz kıt‘a [ri]yâlî guruş-ı kebîr istikrâz ve kabz etmişidim, hâlen meblağ-ı mezbûr beş yüz kıt‘a merkūmü’n-na‘t guruş mersûm Apostol’a zimmetinde vâcibü’l-edâ ve lâzımü’l-kazâ deynim vardır [d]eyû bi’t-tav‘ ve’l-ihtiyâr lâ-bi’l-kerh ve’l-icbâr ikrâr ve i‘tirâf etmeğin mâ hüve’l-vâki‘ bi’t-taleb ketb olundu. Fi’l-yevmi’l-ışrîn min Şevvâli’l-mükerrem li sene hamsin ve sittîn [ve elf]. Şuhûdü’l-hâl: es-Seyyid Cafer Çelebi b. Kemal, es-Seyyid Mehmed Çelebi b. Ahmed, Ahmed Çelebi b. Mehmed, muharrirü’l-hurûf Mustafa Efendi b. Hasan İstati v. Todori, Rali v. Yani, Atnaş v. Dimo, Panayot v. Yani