Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 135 Hüküm no: 129 Orijinal metin no: [25a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdülbâki’nin mülk menzilinin Todori v. Kostantin’e satılması Vilâyet-i Rumeli’nde cezîre-i İmroz’da hisar dâhilinde Papa Yorgi mahallesi sâkinlerinden olup mahmiye-i İstanbul’da tüccâr tâ’ifesinden olan Mustafa b. Abdülbâkī nâm kimesne meclis-i şer‘-i şerîfde işbu râfi‘ü’l-vesîka Todori v. Kostantin nâm zimmî muvâcehesinde tav‘an ikrâr ve i‘tirâf edip emlâkimden olup mahalle-i mezbûrede vâki‘ iki tarafdan mezbûr Todori mülkü ve bir tarafdan Kostantin mülkü ve bir tarafdan tarîk-i âm ile mahdûd ve mümtâz bir bâb fevkānî odayı ve havluyu müştemil mülk menzilimi cümle tevâbi‘iyle merkūm Todori’ye dört yüz cedîd akçeye bey‘-i kat‘î ile bâtten bey‘ edip ol dahi vech-i muharrer üzre iştirâ ve kabz ve kabûl eyleyip semeni olan meblağ-ı mezkûru mezbûr Todori yedinden alıp kabz eylediğimden sonra mebî‘-i mahdûdu mahallinde zabt ve tasarrufa mersûm Todori’yi tarafımdan taslît eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem li sene hamsin ve sittîn ve elf. Şuhûdü’l-hâl: Mustafa Çelebi el-Müezzin, Ali Efendi el-Müezzin, Muharrem b. Pîrî, Abdullah Beşe b. İskender, Bayram Sofu ve gayr