Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 136 Hüküm no: 131 Orijinal metin no: [25a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sabiha bt. Mehmed ile Ahmed b. Mehmed’in nikâhlandıkları Havâss-ı aliyye kazâsına tâbi‘ Papaz köyü demekle ma‘rûf karye sâkinelerinden Sabiha bt. Mehmed nâm bikr-i bâliğa [25b] Havâss-ı Kostantıniyye tevâbi‘inden Papaz karyesinde sâkine Sabiha bt. Mehmed nâm bikr-i [bâliğa] meclis-i şerî’at-i şerîfe-i garrâya hâzır olup nefsini karye-i merkūmede sâkin olan hâmil-i hâze’l-kitâb Ahmed b. Mehmed’e kadri ve nisâbı fıddî râyic fi’l-vakt elif-i tesniye ile iki bin akçe olan mehr-i müeccel ile tezvîc eyledikde ol dahi onu vech-i meşrûh üzre kendi nefsine tezevvüc eylemeğin tezvîc ve tezevvüc-i sahîhayn-i şer‘iyyeyn olup zeyl-i kitâbda isimleri yazılan sözleri işitilmiş ve şehâdetleri kabûl edilmiş şâhidler mahzarında cerâ zâlike ve hurrire fi’l-yevmi’s-sânî ve’l-ışrîn min Şevvâli’l-mükerrem li sene hamsin ve sittîn ve elf. Şuhûdü’l-hâl: Ali b. Abdullah der karye-i mezbûre, Mustafa b. Abdullah der karye-i mezbûre, Mehmed b. Mustafa der karye-i mezbûre, Abdülkādir? Efendi el-Kadı, Mehmed Efendi el-Kadı ve gayruhüm