Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 138 Hüküm no: 134 Orijinal metin no: [25b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasap Sinan Vakfı’nın vakfiyesinde cibâyet ücreti şartı bulunmadığı için Ali Halîfe’nin hasbî câbi olduğu Havâss-ı Kostantıniyye kazâsına tâbi‘ İkşenoz nâm karyede merhûm Kasab Sinan binâ eylediği câmi‘-i şerîf vakfına Şeyh Mehmed b. Mustafa yevmî üç akçe vazîfe ile câbi olup lâkin vâkıf vakfiye-i ma‘mûlün-bihâsında şart ve ta‘yîn etmediğinden gayrı vakf-ı mezbûrun müsâ‘adesi dahi olmamağla mezbûr Şeyh Mehmed cânib-i merkūmeden azl olunup hasbî câbi olmak taraf-ı vakf-ı merkūma her vechile enfa‘ ve evlâ olmağın erbâb-ı müstehıkkīnden olup câmi‘-i mezbûr müezzini olan işbu bâ‘isü’l-vesîka Ali Halîfe b. Bilal nâm kimesne vakf-ı mezbûra hasbî câbi nasb ve ta‘yîn olunup tasarrufu için bu vesîka alâ tarîki’t-temessük kıbel-i şer‘-i şerîfden ketb ve sebt olunup mezbûr Ali Halîfe yedine def‘ olundu. Fî evâhiri Şevvâli’l-mükerrem min şuhûri sene hamsin ve sittîn ve elf. Şuhûdü’l-hâl: Es-Sâbikūn