Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 140 Hüküm no: 138 Orijinal metin no: [26a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Yorgi’nin mülk menzilinin Yani v. Rizo’ya satılması Vilâyet-i Rumeli’nde Yacağaç kazâsına tâbi‘ Banco demekle ma‘rûf karye sâkinlerinden Yani v. Yorgi nâm nasrânî meclis-i şer‘-i şerîfde râfi‘-i hâze’s-sifri’ş-şer‘î diğer Yani v. Rizo nâm zimmî muvâcehesinde ikrâr ve i‘tirâf edip karye-i merkūmede vâki‘ bir tarafdan İstati v. ( ) nâm nasrânî mülkü ve bir tarafdan Çelondi nâm zimmî mülkü ve bir tarafdan Yani v. Gandi nâm nasrânî mülkü ve bir tarafdan tarîk-i âm ile mahdûd bir bâb tahtânî odayı ve bir samanlığı ve bir kıt‘a bostan yeri ve zât-ı eşcâr-ı müsmire ve gayr-ı müsmireyi müştemil olan mülk menzilimi mezbûr diğer Yani’ye tarafeynden îcâb ve kabûlü hâvî bey‘-i kat‘î ile dört bin altı yüz cedîd akçeye bâtten bey‘ ve teslîm ol dahi vech-i muharrer üzre iştirâ ve kabûl eyleyip semen-i mezbûru yedinden tamâ[men] ahz ü kabz eylediğimden sonra mebî‘-i mahdûd-ı mezkûru mahallinde ahz ü kabza ve zabt ve tasarrufa mezbûr diğer Yani’yi taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’l-hâmis ve’l-ışrîn min Şevvâli’l-mükerrem li sene hamsin ve sittîn ve elf. Şuhûdü’l-hâl: Hüseyin b. Ali, Bayram Beşe b. Mehmed, Abdi Beşe b. İskender, Mustafa Beşe b. Mehmed, Yorgo, Rizo, İstati, Yorgo, Kosta, Dimo, Rizo, Seto, İstati, Yani, İstaryo, Yani