Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 143 Hüküm no: 142 Orijinal metin no: [27a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Servi Hâtun bt. Mustafa’nın zevci Şaban b. Ömer’den muhâlaa ile boşandığı Medîne-i Hazret-i Ebâ Eyyûb el-Ensârî -razıye anhü rabbühü’l-Bârî- mahallâtından merhûm Cezerî Kasım Paşa mahallesinde sâkine Servi Hâtun bt. Mustafa nâm hâtun meclis-i şerî‘ati’ş-şerîfeti’l-garrâ ve mahfil-i tarîkatü’r-refî‘atü’z-zehrâda -Allahü te‘âlâ kötülüklerden ve zararlardan korusun- zevci işbu hâmil-i hâze’l-kitâb Şaban b. Ömer nâm kimesne ile muhâla‘a oldukda ol dahi onunla nikâhlarında akdedilmiş olan râyic fi’l-vakt fıddî beş yüz akçe mehr-i müecceli ve nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmayacak şekilde bâ’in oldukdan sonra her biri âharın zimmetini cemî‘ da‘vâ ve mütâlebâtdan ve eymân ve muhâsamâtdan umûmen ve husûsan zevciyete müte‘allik hukūkdan ibrâ-i âmm-ı kātı‘un li’n-nizâ‘ ve râfi‘ün li’l-husûmet ile ibrâ eyledikde cerâ zâlike ve hurrire fi’l-yevmi’s-sâbi‘ ve’l-ışrîn min Şevvâli’l-mükerrem li sene hamsin ve sittîn ve elf min hicreti men lehü’l-izzu ve’ş-şeref. Şuhûdü’l-hâl: El-Hâc Hüseyin b. Ali, Ahmed Beşe b. Mustafa, Ali Beşe b. Hüseyin, Mehmed Beşe b. Veli, Ali Beşe b. Mehmed ve gayr