Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 149 Hüküm no: 149 Orijinal metin no: [29a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Papa Galgori v. Nikola’nın mülk bağını beş yıl önce Laskari’ye sattığı Vilâyet-i Rumeli’nde Trapoliçe kazâsına tâbi‘ Kabaşa nâm karye sâkinlerinden Papa Galgori v. Nikola nâm râhib meclis-i şer‘-i şerîf-i lâzımü’t-tevkīrde işbu râfi‘ü’l-vesîka Laskari v. Yorgi nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûrede vâki‘ bir tarafdan Latif Ağa mülkü ve bir tarafdan Ramazan Çelebi mülkü ve iki tarafdan mezbûr Laskari mülkü ile mahdûd ve mümtâz tahmînen iki dönüm bir kıt‘a mülk bağımı merkūm Laskari’ye otuz bir kıt‘a riyâlî kebîr guruşa bey‘-i kat‘î ile beş sene mukaddem bâtten bey‘ edip kabz-ı semen ve mahallinde teslîm-i mebî‘-i etmişidim hâlen zikr olunan bağda vechen mine’l-vücûhi’ş-şer‘iyye alâkam kalmadı merkūm Laskari keyfemâ yeşâ mutasarrıf olsun dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fî 2 min şehri Zilka‘de li sene 1065. Şuhûdü’l-hâl: Mustafa Çelebi b. Derviş Çavuş, Mehmed Çelebi b. Yusuf Çelebi, Ahmed Beşe b. Hoca, Abdullah Beşe b. İskender, Dilâver b. Abdullah Yani, Niko, Totoroni, İstemad ve gayruhüm mine’l-hâzırîn