Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 151 Hüküm no: 153 Orijinal metin no: [29b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgo v. Duka’nın tasarrufundaki vakıf tarlaların tasarruf hakkını Pelaş v. Manol’a devrettiği Havâss-ı aliyye kazâsına tâbi‘ Ayapa demekle ma‘rûf karye sâkinlerinden Yorgo v. Duka nâm zimmî meclis-i şer‘-i şerîf-i lâzımü’t-teşrîfde işbu râfi‘ü’l-vesîka Pelaş v. Manol nâm zimmî muvâcehesinde bi tav‘ihî ikrâr ve i‘tirâf edip merhûm ve mağfûrun-leh Sultan Bayezid Hân -aleyhi’r-rahmetü ve’r-rıdvân- evkāfı arâzisinden hâlen taht-ı tasarrufumda olup karye-i mezbûre hudûdu dâhilinde mevâzi‘-i müteferrikada vâki‘ adedi ve hudûdu beynimizde ilm-i şer‘î ile ma‘lûm olan tahmînen yirmi üç keyl tohum istî‘âb eder tarlalarımın hakk-ı tasarruflarını ma‘rifet-i mütevellî-i evkāf-ı mezbûr ile merkūm Pelaş’a dört bin cedîd akçe bedel mukābelesinde tefvîz ve ferağ eylediğimde ol dahi vech-i muharrer üzre tefevvuz ve kabûl eyledikden sonra bedel-i ferağ olan meblağ-ı mezkûru mersûm Pelaş yedinden tamâ[men] ahz ü kabz eyledim ba‘de’l-yevm mârrü’z-zikr tarlalarda alâkam kalmadı mezbûr Pelaş emsâ[li] tasarrufu gibi mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis min Zilka‘deti’ş-şerîfe li sene hamsin ve sittîn ve elf. Şuhûdü’l-hâl: Hüseyin Beşe b. Mustafa, Ali Beşe b. Abdullah, el-Hâc Mehmed b. Abdülgaffâr, Abdullah b. İskender?, Yorgi v. Kosta, Dimitri v. Mihal, Angeli v. Anastaş