Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 157 Hüküm no: 158 Orijinal metin no: [30b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mavridi v. Nikola’nın mülk bağının Hıristo v. Şizo’ya satılması Vilâyet-i Rumeli’nde Yenişehir kazâsı nevâhîsinden Kuhistân nâhiyesi muzâfâtından Ayatrıyanda nâm karyede sâkin Mavridi v. Nikola nâm zimmî meclis-i şer‘-i şerîf-i lâzımü’t-tevkīrde işbu râfi‘ü’l-vesîka Hıristo v. Şizo nâm zimmî muvâcehesinde bi’t-tav‘i’s-sâf ikrâr ve i‘tirâf edip emlâkimden olup karye-i mezbûrede vâki‘ bir tarafdan Yorgi Dresolmeki mülkü ve bir tarafdan tarîk-i âm ve bir tarafdan mezbûr Hıristo mülkü ve bir tarafdan mer‘â ile mahdûd ve mümtâz bir kıt‘a mülk bağımı merkūm Hıristo’ya iki bin üç yüz yirmi beş akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan meblağ-ı mezkûru mersûm Hıristo yedinden tamâ[men] ahz ü kabz eylediğimden sonra mebî‘-i mahdûdu mahallinde zabt ve tasarrufa merkūm Hıristo’yu tarafımdan taslît eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Zilka‘deti’ş-şerîfe li sene hamsin ve sittîn ve elf. Şuhûdü’l-hâl: Hüseyin b. Ali, Abdi b. İskender, Dilâver b. Abdullah, Bayram b. Mehmed İstati, Şiro, Dimo, Nikola, Bur, Dimo, Panayot, İstati, Yorgi, Nikola, Yorgi, İstemad