Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 270 Hüküm no: 292 Orijinal metin no: [38a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vakfa ait ev arsasının sulehâdan Mehmed Çelebi b. Hacı Mahmud’a verildiği Fî zımnitü mâ yu‘tebera inde’s-sübûti’l-mu‘teber nemekahû el-fakīr Mehmed el-Kadı li askeri Rumeli -ufiye anh- Yu‘melu bimâ fîh min kasrı yedi’l-kāsır ve kad vaka‘a i‘tirâfuhû bihî indî ketebehû Yahya el-fakīr -ufiye anh- El-emru hasbe mâ zükire fîh nemekahü’l-fakīr ileyh te‘âlâ Bâli b. Ali el-Kadı bi medîneti Kostantıniyye el-mahmiyye -ufiye anhümâ- Dârü’l-hilâfeti’l-aliyye Kostantıniyye el-mahmiyye’de Hatîb Muhyiddin mahallesinde vâki‘ bir tarafdan Mustafa Ağa mülkü ve bir tarafdan tarîk-i hâs ve iki tarafdan tarîk-i âm ile mahdûde merhûm vezneci el-Hâc Mustafa b. Hamza nâm sâhibü’l-hayrın süknâsını müfessirînden bir recül-i sâliha mahalle-i mezbûrede vâki‘ musluğa su doldurmak üzre vakf ve şart ta‘yîn eylediği binâsı muhterik menzil arsasına tevcîh-i hâkim ile mutasarrıf olan umdetü’l-müfessirîn sulehâdan Süleyman Efendi b. Hüseyin arsa-i mezbûreden kasr-ı yed edip dâmâdı olup sulehâ-yı müfessirînden olan Mehmed Çelebi b. Hacı Mahmud’a tevcîh olunmasın murâd etmeğin arsa-i mahdûde-i mezbûre ber mûceb-i şart-ı vâkıf taraf-ı şer‘-i Nebevî’den merkūm Mehmed Çelebi’ye tevcîh olunmağın mâ hüve’l-vâki‘ bi’l-ibtigā ketb ve imlâ olundu. Fi’l-yevmi’l-hâmis min Muharremi’l-harâm li sene sitte ve seb‘în ve elf. Şuhûdü’l-hâl: İmâm Şaban Efendi b. ( ), Ebûbekir Efendi b. Ali, Hasan Beşe b. Abdullah Çukadâr, Ahmed Efendi b. Fazlullah, Ali Çelebi b. Musa, Receb Beşe b. Musa.