Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 164 Hüküm no: 169 Orijinal metin no: [32b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhâla‘a ile boşanan Mustafa b. Yusuf ile zevcesi Fâtıma bt. Abdullah’ın birbirlerinin zimmetlerini ibrâ ettikleri İşbu râfi‘ü’l-kitâb Mustafa b. Yusuf nâm kimesne meclis-i şer‘-i şerîfde zevce-i mutallakası Fâtıma bt. Abdullah nâm hâtun mahzarında takrîr-i kelâm edip mezbûre Fâtıma bundan esbak zevce-i menkûham olduğu hâlde beynimizde hüsn-i zindegânemiz olmamağla zimmetimde mütekarrir olan iki bin cedîd akçe mehr-i müeccelinden ve nafaka-i iddet ve süknâsı kendi üzerine olmak üzre benim ile muhâla‘a-i şer‘iyye ile muhâla‘a eyleyip biribirimizin zimmetini zevciyete müte‘allik cemî‘ da‘vâdan ibrâ ve iskāt eylemişidik hâlen merkūme Fâtıma’dan suâl olunup takrîri tahrîr olunmak matlûbumdur dedikde gıbbe’s-suâl mezbûre Fâtıma cevâbında fi’l-hakīka minvâl-i meşrûh üzre mezbûr Mustafa ile muhâla‘a eyledikden sonra ahadühümâ âharı zevciyete müte‘allik âmme-i da‘vâdan ibrâ ve iskāt etmişidik deyû bi tav‘ihâ ikrâr ve i‘tirâf etmeğin vâki‘ü’l-hâl hıfzan li’l-makāl ketb olundu. Fi’l-yevmi’l-hâdî ve’l-aşer min Zilka‘deti’ş-şerîfe li sene hamsin ve sittîn ve elf. Şuhûdü’l-hâl: Mehmed Efendi el-Kadı, Mustafa Çelebi b. el-mezbûr Mehmed, Mustafa b. Ali, Abdullah b. İskender