Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 272 Hüküm no: 294 Orijinal metin no: [38a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen el-Hâc Nasreddin’in çocuklarına vasî tayini Mahmiye-i İstanbul’da Uzunçarşı kurbunda Dâye Hâtun mahallesinde sâkin iken bundan akdem vefât eden el-Hâc Nasreddin’in evlâd-ı sıgārı Yahya ve Halime ve Sâliha’nın ahvâlini zabt ve emvâlini hıfz için taraf-ı şer‘-i enverden biri vasî nasb ve ta‘yîn olunmak ehem ve elzem ve sıgār-ı mezbûrûnun li ebeveyn ammileri işbu bâ‘isü’l-kitâb Fethullah Çelebi her vechile vesâyete ehil ve müstakīm olmağın mezbûr Fethullah Çelebi sıgār-ı mezbûrûnun ahvâlini zabt ve emvâlini hıfz için cânib-i şer‘-i mübînden vasî nasb ve ta‘yîn olundukda ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sânî ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Umdetü’l-eşbâh es-Seyyid Fethullah Çelebi b. es-Seyyid Selahaddin, es-Seyyid Abdülkerim Çelebi b. el-Hâc Selahaddin, el-Hâc Matuk b. el-Hâc Abdullah, umdetü’l-emâsil ve’l-eşbâh Eyüb Ağa Kethüdâ-yı hazret-i efendi, Mehmed Çelebi Kethüdâ-yı muhzırân.