Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 272 Hüküm no: 295 Orijinal metin no: [38a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Murad’ın muhâlaa yoluyla boşandığı Medîne-i mahmiye-i Kostantıniyye mahallâtından Fîruz Ağa mahallesinde sâkine olan Emine bt. Murad nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıre olup Osman b. Yusuf nâm zevc-i dâhilün-bihâsı ile hul‘ eyledi. Zevc-i mezbûr da nikâhında ma‘kūdun-aleyh olan râyicü’l-vakt iki bin akçe mehr-i müecceli, aralarında ma‘lûm ve mu‘ayyen olan nafaka-i iddeti ve me’ûnet-i süknâsı mezbûre üzerine olmak üzre anın ile hul‘ eyledi. Mezbûre Emine bu sûretle yeni bir akd-i nikâh yapılmadan ve yeni bir mehir ödenmeden zevc-i mezbûruna helâl olmayacak şekilde andan ayrılmış oldu. Sonra her biri diğerinin zimmetini zevciyyete müte‘allik cemî‘ de‘âvîden ibrâ-i âmm-ı kātı‘ ile ibrâ eyledi. Cerâ zâlike ve hurrire fi’l-yevmi’r-râbi‘ ve’l-ışrîn min Cumâdelâhire sene seb‘a ve seb‘în ve elf. Şuhûdü’l-hâl: Abdurrahman Efendi b. Mehmed el-İmâm, Mehmed Çelebi b. Mustafa, el-Hâc Ahmed b. Mustafa, İbrahim Çavuş b. Ahmed el-Mübâşir, Yahya Bey b. Mustafa, Ali b. Mehmed, Şükrullah Bey b. Mustafa, Süleyman Çelebi b. Hasan.