Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 272 Hüküm no: 296 Orijinal metin no: [38b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yamandi v. Dimo’nun para vakfına borçlu olduğu Dergâh-ı âlî -dâme merci‘an li’l-e‘âlî- yeniçerilerinin otuz birinci sekbânlara mahsûs oda yoldaşlarının mühimmâtlarına mevkūfe nukūdun bi’l-fi‘l mütevellîsi olan Ahmed Çelebi b. Mehmed nâm kimesne meclis-i şer‘-i şerîfde Yamandi v. Dimo nâm zimmî muvâcehesinde üzerine da‘vâ ve takrîr-i kelâm edip bundan akdem mâl-ı vakf-ı mezbûrdan mezbûr Yamandi’ye idâne ve teslîme eylediğim yüz otuz guruşun otuz guruşunu yedinden alıp kabz edip bâkī yüz guruşu zimmetinde kalmışidi suâl olunup alıverilmesi matlûbumdur dedikde gıbbe’s-suâl merkūm Yamandi kaziyye şerh ve beyân olunduğu üzre olup vakf-ı mezbûra vâcibü’l-edâ zimmetinde bâkī yüz guruş deyni olduğuna bi tav‘ihî ikrâr etmeğin alâ mûcebi ikrârihî meblağ-ı bâkī-i mezbûr yüz guruşu mütevellî-i mezbûr Ahmed Çelebi’ye edâ ve teslîme merkūm Yamandi’ye ba‘de’t-tenbîh mâ vaka‘a bi’t-taleb ketb olundu. Fi’l-yevmi’l-hâdî ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Mehmed Çavuş el-Mübâşir, Sefer b. Süleyman, İbrahim Çelebi b. Ahmed, Mehmed Bey b. Ramazan ve gayruhüm.