Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 195 Hüküm no: 206 Orijinal metin no: [40b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma Hâtun bt. Hasan’ın zevci Mehmed Çelebi b. Ahmed’den muhâlaa ile boşandığı Bu bir hüccet-i sahîha-i şer‘iyyedir ki onda olanın zikri ile mazmûnu bilinir. Medîne-i Hazret-i Ebâ Eyyûb el-Ensârî -dâme fî rıdvâni’l-Bârî- mahallâtından Nazperver mahallesinde sâkine olan Fâtıma Hâtun bt. Hasan nâm hâtun meclis-i şerî‘atü’ş-şerîfetü’l-garrâ ve mahfil-i tarîkatü’r-refî‘atü’z-zehrâda -Allahü te‘âlâ kötülüklerden ve zararlardan korusun- zevci işbu hâmil-i hâze’l-kitâb fahrü’l-eşbâh Mehmed Çelebi b. Ahmed nâm kimesne ile muhâla‘a oldukda ol dahi onunla nikâhlarında akdedilmiş olan kadri ve nisâbı râyic fi’l-vakt fıddî üç bin akçe mehr-i müecceli ve nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmayacak şekilde bâ’in oldukdan sonra her biri âharın zimmetini cemî‘ da‘âvî ve mütâlebâtdan ve eymân ve muhâsamâtdan umûmen ve husûsan zevciyete müte‘allik hukūkdan ibrâ-i âmm-ı kātı‘un li’n-nizâ‘ ve râfi‘ün li’l-husûmet ile ibrâ eyledikde cerâ zâlike ve hurrire fi’l-yevmi’s-sâlis min Zilhicceti’ş-şerîfe li sene hamsin ve sittîn ve elf. Şuhûdü’l-hâl: Ahmed Beşe b. Bâli er-Râcil, Hasan Beşe b. Müyesser, Mustafa b. Musa el-Müezzin, Ahmed Çelebi b. Mehmed, Hüseyin b. Ali, el-Hâc Mahmud Beşe b. Mustafa çukadâr, Abdullah b. İskender, Dilâver b. Abdullah, Ali b. Mustafa ve gayruhüm