Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 197 Hüküm no: 208 Orijinal metin no: [41b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Lanbo v. Kosta’nın mahkemeye gidip kendisini Yorgaki olarak tanıtıp Yorgaki’nin Manolaki zimmetindeki alacağını tahsil ettiğine dâir hüccet düzenlettirdiği Mahmiye-i Galata ihtivâsından Yeniköy nâhiyesi sükkânından işbu bâ‘isü’s-sifr Yorgaki v. Tarabo nâm zimmî meclis-i şerî’at-i şerîfede hâlen mahrûse-i Kostantıniyye’de Eski Odalar başında hayyât olan Lanbo v. Kosta nâm nasrânî muvâcehesinde üzerine takrîr-i da‘vâ edip Mudanya kasabası ahâlîsinden olup gāib ani’l-meclis Manolaki v. Turhal nâm reis zimmetinde cihet-i deyn-i şer‘îden seksen iki bin cedîd akçe hakkım olup meblağ-ı mezbûr hâlen gāib-i merkūm zimmetinde iken mersûm Lanbo bundan akdem medîne-i Hazret-i Ebâ Eyyûb el-Ensârî‘de vâki‘ mahkeme-i şerîfe gelip ben Yorgaki zimmî olmağla merkūm Manolaki zimmetinde olan seksen iki bin cedîd akçe hakkımı bi’t-tamâm kabz eyledim deyû ikrâr eyledikde ikrârı hüccet olmuşdur suâl olunup takrîri tahrîr olunmak matlûbumdur dedikde gıbbe’s-suâl mezbûr hayyât Lanbo cevâbında fi’l-hakīka bundan akdem mersûm Yorgaki’nin medyûnu olan Manolaki nâm nasrânî ile mahkeme-i mezbûra gelip ben Yorgaki olmak üzre mezbûr Manolaki zimmetinde olan seksen iki bin akçe hakkımı yedinden tamâmen ahz ü kabz eyledim deyû ikrâr ve i‘tirâf eyledikde ikrârım hüccet olunmuş idi deyû bi tav‘ihî ikrâr lâkin beni mumcu tâ’ifesinden Zağari nâm nasrânî ile meyhâneci tâ’ifesinden Pako v. Topal nâm zimmî idlâl edip bana hücceti verdirmeye anlar bâ‘is olmuşdur dedikde vâki‘ü’l-hâl hıfzan li’l-makāl ketb olundu. Fi’l-yevmi’s-sâlis min Zilhicceti’ş-şerîfe li sene hamsin ve sittîn ve elf. Şuhûdü’l-hâl: Mehmed Efendi b. Habil el-Kadı, Mehmed Efendi b. Hasan, Abdi Beşe b. İskender, Hüseyin Beşe b. Ali ve gayr