Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 198 Hüküm no: 209 Orijinal metin no: [41b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Neslihan bt. Mustafa’nın yetim kızlarına büyük annelerinin vasî tayin edildiği Medîne-i Mihaliç ma[ha]llâtından İmâret mahallesi sâkinelerinden iken bundan akdem fevt olan Neslihan bt. Mustafa nâm hâtunun sadriye sagīre kızları Ârife ve Fâtıma nâm sagīrelerin tesviye-i umûrlarına nasb-ı vasî lâzım ve mühim olmağın hâkim-i muvakkı‘-ı kitâb -tûbâ lehû ve hüsnü me’âb- dahi sagīretân-ı merkūmetâna anaları mezbûreden irs-i şer‘le intikāl eden mallarını ahz ü kabza ve ahvâllerini zabt ve hıfza büyük anaları olan işbu râfi‘atü’l-kitâb Ümmühân bt. Ebî Tâlib nâm hâtunu vasî nasb ve ta‘yîn eyledikde ol dahi vesâyet-i merkūmeyi kabûl ve hıdemât-ı lâzımesini edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’s-sâdis min Zilhicceti’ş-şerîfe li sene hamsin ve sittîn ve elf. Şuhûdü’l-hâl: Durmuş Beşe b. Ebî Tâlib, Ahmed Beşe b. Abdünnebi, Arslan Beşe b. Murad, Ahmed Halîfe b. Osman, Ali Beşe b. Mustafa