Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 198 Hüküm no: 210 Orijinal metin no: [41b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muslu Çelebi b. Mirza’nın Arife ve Fâtıma’nın vasiyyeleri Ümmühâni Hâtun bt. Ebî Tâlib üzerine nâzır tayin edildiği Hâkim-i muvakkı‘-ı a‘lâ hâze’l-kitâb bi tevkī‘ihi’ş-şerîfi’l-müstetâb -tûbâ lehû ve hüsnü me’âb- Anadolu Vilâyeti’nde Mihaliç kasabası mahallâtından İmâret mahallesinde sâkin olan Muslu Çelebi b. Mirza nâm kimesneyi diyânet ile ma‘rûf ve sıyânet ile mevsûf olduğu için kıbel-i şer‘-i mergûbdan vasî nasb edilmiş olan Ümmühâni Hâtun bt. Ebî Tâlib nâm hâtun üzerine vasiyye-i mezbûre mezbûr Muslu Çelebi’nin kızları Ârife ve Fâtıma nâm sagīreteynin umûrunda nâzır-ı mastûrun ma‘rifeti olmaksızın tasarrufda bulunmamak üzre hasbî nâzır ta‘yîn eyledikde ol dahi nezâret-i mezkûreyi kabûl eyleyip gereğini ikāme etmeyi iltizâm etmeğin nasb ve kabûl-i sahîhayn-i şer‘iyyeyn cerâ zâlike ve hurrire fi’s-sâbi‘ min Zilhicceti’ş-şerîfe li sene hamsin ve sittîn ve elf. Şuhûdü’l-hâl: Durmuş Beşe b. Ebî Tâlib, Ahmed Beşe b. Abdünnebi, Arslan Beşe b. Murad, Ahmed Beşe b. Osman, Hüseyin Beşe b. Ali, Mustafa Beşe b. Mehmed, Ali Beşe b. Mustafa, Bayram Sofu b. Mehmed, Abdi Beşe b. İskender ve gayr