Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 211 Hüküm no: 227 Orijinal metin no: [45b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Yani’nin dükkânını Komno v. Franko’ya sattığı Vilâyet-i Rumeli’nde Kerpiniş kazâsına tâbi‘ Panayır mahallesi sâkinlerinden Yorgi v. Yani nâm zimmî meclis-i şer‘-i hatîrde işbu râfi‘ü’s-sifr Komno v. Franko nâm nasrânî muvâcehesinde ikrâr ve i‘tirâf edip mahalle-i mezbûrede vâki‘ bir tarafdan Yorgo v. Safakar mülkü ve bir tarafdan Korasto v. Nikola mülkü ve iki tarafdan tarîk-i âm ile mahdûd olup bir kıt‘a pazar dükkânımı mezbûr Komno’ya tarafeynden îcâb ve kabûlü hâvî bey‘-i kat‘î ile sekiz yüz elli cedîd akçeye bey‘ edip ol dahi minvâl-i muharrer üzre iştir[â] ve kabûl eyleyip semen-i mezbûr[u] yedinden tamâmen alıp kabz eylediğimden sonra mebî‘-i mahdûd-ı mezkûru mahallinde zabt [ve] tasarruf[a] müşterî-i mezbûru tarafımdan taslît eyledim ba‘de’l-yevm benim alâka ve medhalim yokdur dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî aşer min Zilhicceti’ş-şerîfe sene hamsin ve sittîn ve elf. Şuhûdü’l-hâl: Ali Beşe b. Mustafa, Hüseyin b. Ali, Bayram b. Mehmed, Abdi b. İskender, Mehmed b. Hakverdi, Durdu v. İskender, Yorgo v. Toş, Dimo v. Belyot ve gayruhüm