Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 275 Hüküm no: 300 Orijinal metin no: [39a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Abdurrahman Efendi’nin şart-ı vakıf üzere tasarruf ettiği arsanın kardeşi İsmail Efendi’ye verildiği Mahmiye-i Kostantıniyye’de el-Hâc Ferhad mahallesinde vâki‘ merhûm Ahmed Çelebi b. Ebûbekir nâm sâhibü’l-hayrın süknâsı ulemâya meşrûta vakfı olup iki tarafdan umdetü’l-müderrisîni’l-kirâm Fenârîzâde Efendi menzili ve iki tarafdan tarîk-i âm ile mahdûd menzilin binâsı mülkü olup arsasına tevcîh-i hâkim ile ber mûceb-i şart-ı vâkıf mutasarrıf olan Abdurrahman Efendi fevt olup arsa-i mezbûre mahlûle ve müteveffâ-yı mezbûrun karındaşı olup süknâya muhtâc olan ulemâ-i müderrisînden işbu bâ‘isü’l-kitâb İsmail Efendi her vechile mahal ve müstahık olmağla arsa-i menzil-i mezbûr merkūm İsmail Efendi’ye tevcîh olunup tasarrufu için işbu vesîka-i enîka ba‘de’l-ketb yedine def‘ olundu. Fi’l-yevmi’s-sâlis ve’l-ışrîn min Cumâdelâhire li sene seb‘a ve seb‘în ve elf. Şuhûdü’l-hâl: Fahrü’l-akrân Sâlih Ağa, fahrü’l-müderrisîni’l-kirâm Mehmed Efendi eş-Şehîr bi Handânzâde, eş-Şeyh Müstakīm Efendi, Hasan Efendi, Uşşâkī Mustafa Efendi, Kemaleddin Efendi b. Nurullah.