Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 275 Hüküm no: 301 Orijinal metin no: [39a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâdısabâ bt. Abdullah’ın, Hasan b. Cafer’den muhâlaa yoluyla boşandığı Muhâla‘a Mahmiye-i İstanbul’da Kabasakal Sinan Bey mahallesinde sâkine Bâdısabâ bt. Abdullah nâm hâtun meclis-i şer‘-i şerîf-i lâzımü’t-teşrîfde zevci işbu bâ‘isü’l-kitâb Hasan b. Cafer nâm kimesne mahzarında ikrâr-ı tâm ve takrîr-i kelâm edip zevcim mezbûr Hasan zimmetinde mütekarrir ve ma‘kūdun-aleyh olan üç yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Hasan ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ-i âm ile ibrâ ve iskāt eyledik dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ aşer min Cumâdelâhire li sene 1077. Şuhûdü’l-hâl: Şükrullah Bey b. Mustafa, Mehmed b. Ramazan, Resul b. Rıdvan, Abdi Çelebi b. Hüseyin.