Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 222 Hüküm no: 244 Orijinal metin no: [49a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice Hâtun bt. Abdülbâki’nin zevci Mehmed b. Kurd’dan muhâlaa ile boşandığı Bu bir hüccet-i sahîha-i şer‘iyye ve vesîka-i sarîha-i mer‘iyyedir ki onda olanın zikri ile mazmûnu bilinir. Medîne-i Hazret-i Ebâ Eyyûb el-Ensârî -dâme fî rıdvâni’l-Bârî- mahallâtından Serv mahallesinde sâkine olan Hatice Hâtun bt. Abdülbâkī nâm hâtun meclis-i şerî‘atü’ş-şerîfetü’l-garrâ ve mahfil-i tarîkatü’r-refî‘atü’z-zehrâda -Allahü te‘âlâ kötülüklerden ve zararlardan korusun- zevci mahalle-i merkūmede sâkin işbu râfi‘-i hâze’l-kitâb Mehmed b. Kurd nâm kimesne ile muhâla‘a oldukda ol dahi onunla nikâhlarında akdedilmiş olan kadri ve nisâbı râyic fi’l-vakt fıddî dört yüz akçe mehr-i müecceli ve nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmayacak şekilde bâ’in oldukdan sonra her biri âharın zimmetini hukūk-ı zevciyete müte‘allika cemî‘ da‘âvî ve mütâlebâtdan ibrâ-i âmm-ı kātı‘un li’n-nizâ‘ ve râfi‘ün li’l-husûmet ile ibrâ eyledikde cerâ zâlike ve hurrire fi’l-yevmi’s-sâbi‘ ve’l-ışrîn min Zilhicceti’ş-şerîfe li sene hamsin ve sittîn ve elf. Şuhûdü’l-hâl: Muharrem Beşe b. Abdullah, Ali Beşe b. Mustafa, Hüseyin Beşe b. Ali, Bayram b. Mehmed ve gayruhüm mine’l-hâzırîn