Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 276 Hüküm no: 302 Orijinal metin no: [39a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Nikola’nın Hristo v. Kosta’daki alacak davasında sulh olduğu Sulh, ibrâ Mahrûse-i Galata’da meyhâneci tâifesinden Yani v. Nikola nâm zimmî meclis-i şer‘-i hatîr-i lâzımü’t-tevkīrde işbu hâmilü’s-sifr Hristo v. Kosta nâm zimmî muvâcehesinde ikrâr ve takrîr-i kelâm edip mezbûr Hristo zimmetinde cihet-i deyn-i şer‘îden yüz riyâlî guruş ile dört bin altı yüz akçe hakkım olup mukaddemâ yüz riyâlî guruşu mezbûr Hristo yedinden ahz u kabz edip dört bin altı yüz akçe zimmetinde kalmağın bundan akdem meblağ-ı bâkī-i mezbûru mezbûr Hristo’dan taleb ve da‘vâ eylediğimde ol dahi inkâr etmeğin beynimizde münâza‘ât-ı kesîre vakı‘a olmuşidi el-hâletü hâzihî muslihûn tavassut edip meblağ-ı mezbûr dört bin altı yüz akçe da‘vâsından mezbûr Hristo ile beynimizde dört yüz akçe üzerine inşâ-i akd-i sulh ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr dört yüz akçeyi mezbûr Hristo yedinden tamâmen ahz u kabz edip mâ‘adâdan zimmetini ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min Cumâdelâhire li sene seb‘a ve seb‘în ve elf. Şuhûdü’l-hâl: İbrahim Çavuş b. Abdullah el-Mübâşir, Şükrullah Bey b. Mustafa, Abdi Çelebi b. Hüseyin, Mustafa Beşe b. ( ).