Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 239 Hüküm no: 266 Orijinal metin no: [54a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muammer bt. Abdullah’ın zevci Mehmed b. Veli ile muhâlaa ile boşandıkları Havâss-ı aliyye kazâsına tâbi‘ Terkos nâhiyesi muzâfâtından Pirinççi demekle ma‘rûf karye sâkin[e]lerinden Muammer bt. Abdullah nâm hâtun meclis-i şer‘-i şerîf-i enverde zevci işbu hâmilü’l-kitâb Mehmed b. Veli nâm kimesne mahzarında bi tav‘ihâ ikrâr ve i‘tirâf edip zevcim mezbûr Mehmed ile hüsn-i zindegânemiz olmayıp beynimizde şikāk-ı küllî vâki‘ olmağın zimmetinde mütekarrir olan bin beş yüz cedîd akçe mehr-i müeccelimden geçip ve nafaka-i iddet-i şer‘iyyem ve me’ûnet-i süknâm kendi üzerime olmak üzre zevcim mezbûr Mehmed ile muhâla‘a-i sahîha-i şer‘iyye ile muhâla‘a eyleyip zimmetini zevciyete müte‘allik âmme-i da‘vâdan ibrâ ve iskāt eyledim dedikde ol dahi vech-i muharrer üzre olan hul‘ı kabûl edip ahadühümâ âharı zevciyete müte‘allik de‘âvî ve mütâlebât ve eymân ve muhâsamâtdan ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘iyyi’l-vicâhî mâ vaka‘a bi’t-taleb ketb olundu. Fi’l-yevmi’s-sâmin aşer mine’l-Muharremi’l-harâm li sene sittîn ve sittîn ve elf. Şuhûdü’l-hâl: Mehmed Çelebi b. Ahmed, Hüseyin Çelebi b. Ali, Mahmud Çelebi b. Mehmed, Abdullah b. İskender, Dilâver b. Abdullah ve gayr