Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 243 Hüküm no: 269 Orijinal metin no: [55a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Çelebi b. Mehmed’in zevcesi Âişe Hâtun’a borcu olduğu Medîne-i Hazret-i Ebâ Eyyûb el-Ensârî’de Takyecibaşı mahallesi sâkinlerinden Ali Çelebi b. Mehmed nâm kimesne mahfil-i kazâda zevcesi işbu râfi‘atü’l-kitâb Âişe Hâtun bt. Mustafa mahzarında ikrâr-ı tâm ve ifâde-i merâm edip mahalle-i mezbûrede vâki‘ inde’l-ahâlî ve’l-cîrân ma‘lûmetü’l-hudûd mülk menzilime kendi emr ve iznim ile bundan akdem zevcem mezbûr[e] Âişe Hâtun mâlından lâzımü’l-meremmet olan mevâzi‘ini ta‘mîr için yüz elli kıt‘a riyâlî guruş harc u sarf etmişidi, hâlen meblağ-ı mezkûr yüz elli guruş merkūme Âişe Hâtun’a zimmetimde lâzımü’l-edâ deynimdir deyû tâyi‘an ikrâr ve i‘tirâf edicek gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’l-yevmi’s-sâmin aşer mine’l-Muharremi’l-harâm li sene sittîn ve sittîn ve elf. Şuhûdü’l-hâl: Mehmed Çelebi b. Abdülaziz, Mustafa b. Musa, Yunus b. Hüseyin, Ali b. Veli, Mustafa b. Ali, Abdi b. İskender, Dilâver b. Abdullah ve gayr