Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 253 Hüküm no: 282 Orijinal metin no: [57b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müstakim Hân bt. Abdullah’ın zevci İslâm Beşe b. Mehmed’den muhâlaa ile boşandığı Medîne-i Hazret-i Ebâ Eyyûb el-Ensârî -razıye rabbühü’l-Melikü’l-Bârî- mahallâtından Kiremitçi Süleyman mahallesinde sâkine olan Müstakim Hân bt. Abdullah nâm hâtun meclis-i şer‘-i şerîfetü’l-garrâ ve mahfil-i tarîkatü’r-refî‘atü’z-zehrâda -Allahü te‘âlâ kötülüklerden ve zararlardan korusun- zevci mahalle-i mezbûrede sâkin işbu râfi‘-i hâze’l-kitâb İslâm Beşe b. Mehmed nâm kimesne ile muhâla‘a oldukda ol dahi onunla nikâhlarında akdedilmiş olan kadri ve nisâbı râyic fi’l-vakt fıddî bin yedi yüz akçe mehr-i müecceli ve nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmayacak şekilde bâ’in oldukdan sonra her biri âharın zimmetini hukūk-ı zevciyete müte‘allika cemî‘ da‘vâdan ibrâ-i âmm-ı kātı‘un li’n-nizâ‘ ve râfi‘ün li’l-husûmet ile ibrâ eyledikde cerâ zâlike ve hurrire fi’l-yevmi’s-sâbi‘ ve’l-ışrîn mine’l-Muharremi’l-harâm li sene hamsin ve sittîn ve elf. Şuhûdü’l-hâl: Mehmed Beşe b. Abdülbâkī, Mustafa Beşe b. Hasan, Mehmed Beşe b. Mahmud, Ahmed Beşe b. Hüseyin, Ali Beşe b. Hasan, Hüseyin b. Ali