Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 255 Hüküm no: 285 Orijinal metin no: [58a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Ali’nin zevci Mehmed Beşe b. Mustafa’dan muhâlaa ile boşandığı Bu bir hüccet-i sahîha-i şer‘iyyedir ki onda olanın zikri ile mazmûnu bilinir. Kostantıniyyetü’l-mahmiyye hısnı ebvâbından Yenikapı hâricinde Merkez Efendi mahallesinde sâkine olan Fâtıma bt. Ali nâm hâtun meclis-i şerî‘atü’ş-şerîfetü’l-garrâ ve mahfil-i tarîkatü’r-refî‘atü’z-zehrâda -Allahü te‘âlâ kötülüklerden ve zararlardan korusun- zevci hâmil-i hâze’l-kitâb Mehmed Beşe b. Mustafa nâm kimesne ile muhâla‘a oldukda ol dahi onunla nikâhlarında akdedilmiş olan kadri ve nisâbı râyic fi’l-vakt fıddî dört ( ) akçe mehr-i müecceli ve nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmayacak şekilde bâ’in oldukdan sonra her biri âharın zimmetini cemî‘ da‘vâ ve mütâlebât ve eymân ve muhâsamâtdan umûmen ve husûsan hukūk-ı zevciyete müte‘allika olan da‘vâdan ibrâ-i âmm-ı kātı‘un li’l-husûmet ile ibrâ eyledikde cerâ zâlike ve hurrire fi’l-yevmi’l-hâmis min Saferi’l-hayr li sene sittîn ve sittîn ve elf. Şuhûdü’l-hâl: Yusuf Beşe b. Mustafa, Mehmed Çavuş b. Mustafa, Ali Beşe b. Mustafa, el-Hâc Mahmud Beşe b. Mustafa ve gayruhüm