Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 259 Hüküm no: 291 Orijinal metin no: [59b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Beşe b. Ahmed’in Ahmed Beşe b. Hüseyin tarafından bıçakla darbedilerek yaralandığı iddiasıyla açtığı davada sulh oldukları Dergâh-ı âlî -dâme mahfûfen bi’l-me‘âlî- yeniçerilerinin yirmi dokuzuncu ağa bölüğü odası yoldaşlarından Osman Beşe b. Ahmed nâm râcil tarafından ibrâ-i câ’i’z-zikri ikrâra vekîl olup hasm-ı şer‘î-i câhid mahzarında Yusuf Beşe b. Mehmed ve Kurd Beşe b. Mahmud şehâdetleriyle şer‘an vekâleti sâbite olan Mustafa Beşe b. Yusuf nâm râcil meclis-i şer‘-i şerîf-i lâzımü’t-teşrîfde işbu râfi‘-i hâze’l-kitâb Ahmed Beşe b. Hüseyin nâm kimesne muvâcehesinde bi’l-vekâle ikrâr-ı tâm ve takrîr-i kelâm edip bundan akdem mesfûr Ahmed Beşe bi gayr-ı hakkın bıçak ile gerdanıma darb edip beni mecrûh eyledikde ben dahi mûcebini mezbûr Ahmed Beşe’den mukaddemâ da‘vâ ve taleb edip merkūm Ahmed Beşe dahi münkir olmağla beynimizde münâza‘ât-ı kesîre ve muhâsamât-ı şedîde cereyân etmişidi el-hâletü hâzihî beynimize muslihûn-ı müslimûn tavassut edip husûs-ı mezbûrdan beni an inkâr otuz kıt‘a riyâlî guruş üzerine sulh eylediklerinde ben dahi sulh-ı mezbûru kabûl ve bedel-i sulh olan meblağ-ı mezbûr otuz guruşu mersûm Ahmed Beşe yedinden tamâ[men] bi’t-tamâm ve’l-kemâl ahz ü kabz edip husûs-ı mezbûra müte‘allik cemî‘ da‘vâ ve mütâlebât ve eymân ve muhâsamâtdan merkūm Ahmed Beşe’nin zimmetini ibrâ ve iskāt eyledim ba‘de’l-yevm merkūm Ahmed Beşe ile vechen mine’l-vücûhi’ş-şer‘iyye ve sebeben mine’l-esbâbi’l-mer‘iyye da‘vâ ve nizâ‘ım yokdur sudûr dahi ederse lede’l-hükkâm-ı zevi’l-ihtirâm istimâ‘ olunmaya dedi [de]dikde vekîl-i mezbûrun ber minvâl-i meşrûh cârî ve sâdır olan cemî‘ ikrârını mezbûr Ahmed Beşe vicâhen tasdîk ve şifâhen tahkīk etmeğin mâ hüve’l-vâki‘ bi’l-ibtigā ketb olundu. Fi’l-yevmi’s-sânî aşer min Saferi’l-hayr li sene sittîn ve sittîn ve elf. Şuhûdü’l-hâl: Hüseyin Beşe b. Mehmed el-Mübâşir, Mustafa Bey b. Ahmed, Mehmed Efendi [b.] Habil, es-Seyyid Mahmud Çelebi [b.] es-Seyyid Ali