Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 260 Hüküm no: 292 Orijinal metin no: [59b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Andriye’nin mülk bağının Dimo v. Apostol’a satılması Vilâyet-i Rumeli’nde İnebahtı sancağında Karlıca kazâsına tâbi‘ Baslud nâm karye sâkinlerinden Yani v. Andriye nâm zimmî meclis-i şerî’at-i şerîfede işbu râfi‘ü’l-vesîka Dimo v. Apostol nâm zimmî muvâcehesinde bi tav‘ihî ikrâr ve i‘tirâf [edip] karye-i mezbûrede vâki‘ bir tarafdan Armağan v. Şiro bağı ve bir tarafdan Vasaline bağı ve bir tarafdan vâdi ve bir tarafdan tarîk-i âm ile mahdûd ve mümtâz tahmînen üç dönüm bir kıt‘a mülk bağımı merkūm Dimo’ya üç bin beş yüz cedîd akçeye bey‘-i kat‘î ile bey‘ edip ol dahi vech-i muharrer üzre iştirâ ve kabûl eyleyip semeni olan meblağ-ı mezbûru mersûm Dimo yedinden tamâmen ahz ü kabz eylediğimden sonra mebî‘-i mahdûd-ı mezkûru mahallinde zabt ve tasarrufa mezbûr Dimo’yu tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’t-taleb ketb olundu. Fi’s-sâlis aşer min Saferi’l-hayr li sene sittîn ve sittîn ve elf. Şuhûdü’l-hâl: Ali b. Mustafa, Hüseyin b. Ali, Dilâver b. Abdullah, Bayram b. Mehmed, İsteryo, Mihal, Hıristo v. Nikola, Mihal, Yani, Panayot, Yorgi, Yani, Ziraskarlu