Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 264 Hüküm no: 297 Orijinal metin no: [60b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Babası vefat eden Hatice bt. el-Hâc Pîrî’ye annesinin talebi ile nafaka tayin edilmesi Hâkim-i muvakkı‘-ı a‘lâ hâze’l-kitâb bi tevkī‘ihi’ş-şerîfi’l-müstetâb -tûbâ lehû ve hüsnü me’âb- bundan akdem Medîne-i Ebâ Eyyûb el-Ensârî -dâme fî rıdvâni’l-Bârî- mahallâtından Ahmed Dede mahallesinde sâkin iken mezbûr babası müteveffâ olan Hatice bt. el-Hâc Pîrî nâm sagīrenin nafakası ve kisvesi ve sâir havâic-i zarûriyyesi için hacr ve terbiyesi altında bulunduğu annesi ve bakıcısı olan Canfeda bt. Abdullah nâm hâtunun talebi ile müteveffâ-yı mezbûr babasından kendisine irs-i şer‘î ile intikāl eden mâlından zeyl-i kitâb târihinden mürûr edip geçen her bir gün için râyic fi’l-vakt altı akçe farz ve takdîr-i sahîhayn-i şer‘iyyeyn ile farz ve takdîr ettikden sonra meblağ-ı mefrûz-ı mezbûru sagīre-i mezbûrenin havâicine sarfa ve vakt-i zarûretde istidâneye ve [lede’z-zafer] rücû‘a [izn-i sarîh-i mer‘î ile izin vermeğin kayd olundu]. [Şuhûdü’l-hâl:] ( )