Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 285 Hüküm no: 329 Orijinal metin no: [67b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Senyo v. Panayot’un mülk değirmen ve dolabdaki hissesini sattığı Vilâyet-i Rumeli’nde Holomiç kazâsına tâbi‘ Votril nâm karye sâkinlerinden Senyo v. Panayot nâm zimmî meclis-i şerî’at-i şerîfede işbu râfi‘atü’l-vesîka Zaharya bt. Todori nâm nasrâniyenin sadrî kebîr oğlu ve tarafından ikrâr-ı âti’z-zikri tasdîke vekîli olup bimâ hüve tarîkü’s-sübût şer‘an vekâleti sâbite olan Yorgo v. İstemad nâm zimmî muvâcehesinde bi tav‘ihî ikrâr ve i‘tirâf edip karye-i mezbûre kurbunda vâki‘ nehir ile dâir bir kıt‘a mülk değirmende ve bir kıt‘a kebe dolabında olan altı sehimden bir sehim hissemi müvekkile-i merkūme Zaharya’ya on altı kıt‘a riyâlî kebîr guruşa bey‘-i kat‘î ile bey‘ edip ol dahi vech-i meşrûh üzre iştirâ ve kabûl eyleyip semeni olan merkūmü’l-vasf on altı guruşu müvekkile-i mezbûre yedinden tamâmen ahz ü kabz eylediğimden sonra zikr olunan değirmen ile dolabda olan hisse-i mezbûrelerimi mahallinde zabt ve tasarrufa müvekkile-i merkūmeyi tarafımdan taslît eyledim dedikde gıbbe’t-tasdîki’ş-şer‘iyyi’l-vicâhî mâ hüve’l-vâki‘ bi’l-ibtigā ketb olundu. Fi’l-yevmi’r-râbi‘ min şehri Rebî‘ulevvel li sene sittîn ve sittîn ve elf. Şuhûdü’l-hâl: Ali Beşe b. Mustafa, Hüseyin Beşe b. Ali, Dilâver b. Abdullah, Abdi b. İskender