Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 51 Hüküm no: 7 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Talanda mukátaası gelirlerine dahil hamr ve şıra mukátaasının Ahmed Ağa’ya verildiği Vech-i tahrîr-i hurûf oldur ki uhdemizde olan Talanda perâkendesi mukāta‘asına tâbi‘ Hâslar’da vâki‘ Talanda perâkendesi mukāta‘ası bin yetmiş iki senesi Mart’ı ibtidâsından sene tamâmına varınca meyhânelerin uhdemizde olan bitirmeleri ve hamr ve arak mukāta‘asına tâbi‘ rüsûm-ı şirâ Hâslar ve tevâbi‘i mukāta‘ası senevîsi bu iki mukāta‘anın maktû‘u yalnız iki yüz bin akçeye olmak üzre hâsıl-ı temessük hâlâ koyun emîni olan Ahmed Ağa’ya deruhde olunup meblağ-ı mezbûru müşârün-ileyh yedinden bi’t-tamâm ahz ü kabz olunup zabtı için işbu temessük tahrîr olunup yedine verilmişdir ki mukāta‘ateyn-i merkūmeteyni târih-i mezbûrdan zabt ve sene-i sâbıkada alınageldiği üzre avâid ve rüsûmunu ahz ü kabz edip âhardan kimesneye müdâhale ve mu‘âraza ettirmeyesin ve’s-selâm. Fî 5 Zilhicce sene 1072. El-fakīr Mahmud Ağa-yı gümrük.