Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 285 Hüküm no: 317 Orijinal metin no: [40b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocası kaybolan Hatice bt. Abdülhalim adlı kadına ve oğluna nafaka takdir olunduğu Medîne-i mahmiye-i Kostantıniyye mahallâtından Şeyh Ebülvefâ mahallesinde sâkine olan Hatice bt. Abdülhalim nâm hâtun, yedi aydan beri gāib Ahmed Ağa b. ( ) nâm zevcinin kendisine ve hidânesi altında bulunduğu Mehmed nâm sagīr oğluna nafaka ve kisve bırakmadığına ve gaybûbetinden i‘tibâren nafaka cinsinden bir şey irsâl etmediğine dâir yemîn billâh ettiğinde, hâkim, mezbûrenin talebi ile zevc-i gāib-i üzerine, her ikisinin nafakaları, kisveleri ve sâir havâic-i zarûriyyeleri için zeylde mezkûr târihden i‘tibâren sekiz akçesi mezbûre Hatice’ye beş akçesi de sagīr-i merkūma olmak üzre yevmî râyicü’l-vakt on üç akçe farz ve takdîr etti. Hâkim-i mûmâ ileyh, meblağ-ı mefrûz-i mezbûru sagīr-i mezkûrun ve kendi nefsinin havâic-i lâzımesine sarf etmesine ve vakt-i hâcette istidâne edip lede’z-zafer zevc-i gāibine rücû‘ etmesine mezbûre Hatice hâtuna izin verdi. Cerâ zâlike ve hurrire fi’l-yevmi’l-hâmis aşere min Cumâdelâhire sene seb‘a ve seb‘în ve elf. Şuhûdü’l-hâl: Hasan Çelebi b. Ahmed, Abdi Çelebi b. Mustafa, Baba Resul b. Ramazan, Mehmed b. Ramazan, Şükrullah Bey b. Mustafa, Ali Çelebi b. Ahmed