Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 107 Hüküm no: 77 Orijinal metin no: [16b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âdile bt. İbrahim’in muhâlaa yoluyla boşandığı Medîne-i Hazret-i Ebâ Eyyûb el-Ensârî mahallâtından Dökümcübaşı mahallesinde sâkine olan Âdile bt. İbrahim nâm hâtun meclis-i şer‘-i şerîf ve mahfil-i dîn-i münîfde -sânehallâhu te‘âlâ ani’t-tağyîr ve’t-tahrîf- râfi‘-i hâze’l-kitâb Mehmed b. Mustafa nâm zevci ile muhâla‘a yaptı. Zevc-i mezbûr da nikâhında ta‘ahhüd ettiği râyicü’l-vakt bin üç yüz akçe-i Osmânî mehr-i müecceli, iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yaptı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâyı bertaraf edecek şekilde ibrâ etti. Cerâ zâlike ve hurrire fi’l-yevmi’r-râbi‘ min şehri Şa‘bâni’l-mu‘azzam sene isneteyn ve seb‘în ve elf. Şuhûdü’l-hâl: Eyüb Efendi el-Mu‘îd, Mehmed Ağa b. Mahmud, Hüseyin Beşe b. Mehmed, Yusuf Beşe b. Mehmed, çukadâr Mehmed Çelebi ve gayruhüm mine’l-hâzırîn